同一隻Rolex，點解有人放高幾萬？二手名錶點樣放先最啱？3種方法一次講清楚！｜#clubwatchhk
放一隻勞力士，揀錯方法，可以令你一秒鐘蝕一架二手車，甚至連隻錶都比人呃埋。好多錶友想放錶套現，或者換錶嘅時候，第一個反應通常係問：「邊度放價錢最高？」有人話 Facebook 自己放賺得最多，有人話去錶舖寄賣最穩陣，亦有人話直接賣俾錶商最爽快。今日我就同大家徹底拆解呢三種放錶方法嘅內幕同陷阱，睇完呢幾分鐘，幫你慳返至少幾萬蚊冤枉錢！
大家好，歡迎嚟到 Club Watch YouTube Channel，我係 Daphne。開始之前，未訂閱我哋頻道嘅朋友，記得撳番加入我哋個 channel 呀。
訂閱咗嘅朋友，可以考慮加入埋我哋嘅VIP會員，除咗優先觀看每期新片，再加送一條價值$380代用錶帶，除此之外，仲將會有其他福利，有興趣嘅朋友請留意我哋嘅公告，或留言查詢。
第一種：自己放社交平台，例如 Facebook 錶群、Carousell 或者各大討論區。
理論上，呢個方法可以幫你賺到最盡。因為無中間人抽水，你可以直接賣給下一位用家，成交價最貼近市場零售價。但實際上，呢個方法亦係最頭痛、風險最高嘅。
首先，一隻開價八萬嘅錶，實有人問你「三萬得唔得？」或者約好交收最後一刻放你飛機。
第二，近年香港有太多名錶交易騙局。對方約你出嚟，用支票機入數，你手機 App 即時睇到「賬戶餘額」多咗錢，以為收到錢就交錶。結果兩日後彈票，最後字面餘額消失，你隻勞力士都消失。
所以，如果你唔係對二手錶市價瞭如指掌，又無時間同耐心去應付呢啲麻煩野，自己放上網，隨時得不償失。
第二種方法，係最多人揀嘅：直接賣俾二手錶商。
呢個方法最大嘅優點：安全、快。 行入去，驗完錶，傾好價錢，15分鐘內即收現金。你唔需要應付買家，亦唔需要擔心收到假銀紙或者彈票，安全指數係最高嘅。
所以，如果你最重視時間、效率，又想即時套現，直接賣俾信譽良好嘅錶商，其實係最乾脆俐落嘅解決方案。
第三種方法：寄賣。
簡單講，就係將隻錶擺喺二手錶舖代售。錶舖幫你影相、放網、搵客，賣出之後扣除約定嘅佣金（通常 3% 到 8% 不等），餘額就歸你。呢個方法好處好明顯：你可以賣得高過直接收購，同時又唔使自己去覆客同埋承擔交收風險。
所以總結返：想要賺到最盡、而且時間極多、心臟夠大，你可以試下自己放。想要即時套現、安全第一，請直接賣俾錶商。想要賣個好價錢、而且完全唔急用錢，寄賣係最好嘅折衷方案。放錶，最重要唔係邊個方法賺最多，而係邊個方法最適合你當刻嘅需要。
今日條片嚟到呢度，如果你喜歡今集嘅內容，別忘了 Like and Subscribe 再按旁邊的鐘仔 ，亦都可以留意我們 Club Watch 網站和最新的 Club Watch Luxury Magazine 網站，或者 Facebook 的最新資訊，我們下次見 bye bye ！
更多資訊，請瀏覽：
Website 1: clubwatchlux.com
Website 2: clubwatchhk.com
Facebook: clubwatchhk
IG 1: @cwhk68088810
IG 2: @cwhk68088810.tst
IG 3: @cwhk68088810.ac
聯絡電話：6808 8810 / 9188 8912
#clubwatchlux, #clubwatchhk, #watchblog, #二手錶, #二手名錶, #名錶買賣, #腕錶, #K金腕錶, #機械錶, #機械腕錶, #石英錶, #石英腕錶, #rolex , #勞力士 , #社交平台 , #facebook , #carousell , #討論區, #放錶 , #二手錶商, #寄賣
