2026 Rolex 勞力士新錶全解析 ｜Daytona、Day-Date、OP 全線升級！今年最值得買係邊隻？｜#clubwatchhk
大家好，歡迎來到我們 Club Watch YouTube Channel。我是 Daphne！如果你以為 2026 年 Rolex 只係普通出新款，咁你就真係睇少咗今年。因為今年唔單止係新錶年，仲係 Oyster 蠔式腕錶誕生 100 週年。Rolex 今次唔係小修小補，而係直接拎出 百年紀念 OP、全新金屬合金、鉑金鋼 Daytona，甚至停產後回歸嘅 Yacht-Master II。今集同大家一次過睇晒 2026 年最搶眼嘅幾款新錶，同埋香港官方價格啦。
2026 年對 Rolex 來講，真係歷史性一年。由 1926 年第一枚 Oyster 誕生開始，防水腕錶概念正式改寫整個製錶史。而今年，Rolex 用成條產品線去向呢段歷史致敬。
首先第一大焦點，肯定係 Oyster Perpetual 百年紀念系列。其中最吸睛，一定係 Oyster Perpetual 41，型號 134303。呢隻錶最大賣點，係將黃金同蠔式鋼重新演繹。傳統黃金鋼款通常會喺中間鏈節用黃金，但今次 Rolex 反而將整條鏈帶以蠔式鋼為主，只保留黃金錶圈同錶冠。視覺效果更加年輕、更加現代。最特別係面盤細節。6 點位唔再寫 Swiss Made，而係直接換成 “100 YEARS”。呢個細節對收藏家嚟講，真係極有紀念價值。另外分鐘刻度同 ROLEX 字樣仲加入品牌標誌性綠色元素，百年味道非常濃。香港官方價格係 HKD $ 78,000。
跟住講我覺得好有話題性嘅，係 Oyster Perpetual 36 126000彩色紀念面。這枚腕錶將 Rolex 經典品牌語言轉化為視覺藝術。簡單講，就係 Rolex 用超過十種顏色去拼出 ROLEX 字樣。視覺效果非常搶眼。呢隻錶香港市場一定會非常受年輕買家歡迎。你可以當佢係今年最具社交媒體爆款潛力嘅款式。香港官方價格係 HKD 54,400。呢個價位我覺得非常有競爭力。
今年 Rolex 喺貴金屬方面都好有驚喜，推出咗全新 Oyster Perpetual 28 同 34。276208 28mm 用 18K 黃金，配綠色漆面面盤，最特別係 3、6、9 點位首次加入天然血石時標，感覺非常高級。香港官方價格係 HKD $ 243,100。124205 34mm 就用 Everose 永恒玫瑰金，配藍色面盤，同樣喺 3、6、9 點位用天然藍線石時標，質感更加優雅。香港官方價格係 HKD $ 308,200。兩款都首次用上磨砂處理錶殼同錶帶，令貴金屬唔會太高調，反而多咗一種低調奢華感。我自己覺得呢兩隻係今年 Rolex 最有珠寶感、亦最有收藏味道嘅新作之一。
之後就係今年最頂級話題款之一。Day-Date 40 全新「紀念型金」。呢隻228235 真係有機會成為今年富豪級玩家焦點。Rolex 今次推出全新 18K 合金，名叫 Jubilee Gold 紀念型金。最大特色係顏色唔係傳統黃金咁單一。喺光線下會呈現淡黃色、暖灰色、及柔和的粉紅色色光彩。質感非常高級。再配搭綠色東陵石天然寶石面盤，同鑽石時標。成隻錶個氣場真係非常強。呢類型 Day-Date 一向都係身份象徵。不過暫時官方未有定價，如果到官方正式公布香港售價，我相信一定係市場熱門話題。
跟住講另一個重點，我相信最多人關心。Daytona 126502 鉑金鋼款。呢隻我可以直接講：今年 Rolex 最震撼新作之一。最大賣點係 Rolex 首次喺 Daytona 用鋼加鉑金結構。再加埋白色 Grand Feu 大明火琺瑯面盤。質感已經唔係普通漆面可以比較。再加全新淨灰色 Cerachrom 陶瓷圈。成隻錶感覺非常高級。最重要係透明底蓋，呢樣對 Daytona 玩家嚟講，絕對係爆炸級吸引力。因為可以直接睇到 4131 機芯運作。市場討論度一定非常高。被視為2026年熱門且特殊的非目錄款。唔知會去到咩價位呢？
之後嘅焦點，竟然係回歸之作。Yacht-Master II 強勢回歸。2024 停產之後，好多人都以為佢正式退出歷史。點知 2026 年 Rolex 再次帶返佢返嚟。而且操作大幅簡化。以前要旋轉錶圈設定倒數。今次直接用按把操作。對帆船賽專業玩家更加方便。機芯搭載全新 4162 ，這款機芯以先前的 4161為藍本，全面融匯了包括Chronergy擒縱系統在內的重大突破，動力儲存約為72小時。鋼款126680 官方價格係HKD 163,800。金款126688 官方價格係HKD 467,600。呢兩個價位都非常符合 Yacht-Master II 一向定位。
最後一定要講埋市場最容易賣嘅款。Datejust 41 白金鋼漸變綠色漆面 126334。呢隻香港官方價格係HKD 94,400 。我自己非常睇好。因為 Rolex 綠色一直都係品牌最強識別色。再加今次首次用漆面漸變效果。由中央翠綠慢慢過渡至外圈深黑。視覺層次非常靚。呢隻有機會成為今年最穩陣熱門款之一。
除了錶款更新, 2026年勞力士新品的另一項重大里程碑，是勞力士頂級天文台精密時計認證（Superlative Chronometer Certification）的全面升級，從2026年起，這項由瑞士獨立權威機構嚴格監督的認證體系，在設計與製造階段正式增設了三項全新的測試標準：抗磁性、可靠性及可持續性。
如果要我揀今年最值得留意三隻，第一一定係 Daytona 鉑金鋼，第二係百年 OP 41，第三就係綠面 Datejust 41。你呢？你又最鍾意邊隻？留言區話我知。
今天的影片就到這裡，如果你喜歡這類內容！別忘了 Like and Subscribe 再按旁邊的鐘仔 ，亦都可以留意我們 Club Watch 網站和最新的 Club Watch Luxury Magazine 網站，或者 Facebook 的最新資訊，我們下次見 bye bye ！
更多資訊，請瀏覽：
Website 1: clubwatchlux.com
Website 2: clubwatchhk.com
Facebook: clubwatchhk
IG 1: @cwhk68088810
IG 2: @cwhk68088810.tst
IG 3: @cwhk68088810.ac
聯絡電話：6808 8810 / 9188 8912
#clubwatchlux, #clubwatchhk, #watchblog, #二手錶, #二手名錶, #名錶買賣, #腕錶, #K金腕錶, #機械錶, #機械腕錶, #石英錶, #石英腕錶, #rolex , #勞力士 , #rolex2026, #OysterPerpetual , #DayDate40, #daytona , #yachtmasterii #100YEARS , #134303 , #126000 , #276208, #124205, #228235, #126502, #126680, #126688, #126334, #JubileeGold, #GrandFeu
